Cichanoŭskaja abmierkavała z premjeram Partuhalii dyktaturu Sałazara i Łukašenki
Śviatłana Cichanoŭskaja znachodzicca z pracoŭnym vizitam u Partuhalii, dzie jana sustrełasia z byłym premjer-ministram Partuhalii i prezidentam Jeŭrakamisii Žaze Manuelem Barozu, a taksama z premjer-ministram Antoniu Košta.
06.03.2021 / 08:49
«Razmaŭlali pra palitviaźniaŭ, pieraśled pravaabaroncaŭ, novyja kryminalnyja spravy, ataku na niezaležnyja miedyja. Zhadali dyktaturu Sałazara (kiravaŭ Partuhalijaj z 1932 pa 1968 hod — NN), paraŭnoŭvali z režymam Łukašenki», — paviedamiŭ daradca Cichanoŭskaj u mižnarodnych spravach Franak Viačorka ab sustrečy z partuhalskim premjeram.
Taksama viałosia pra toje, što Partuhalija moža zrabić pa linii AAN i Jeŭrasajuza, dzie jana staršyniuje.
Viačorka zajaviŭ, što Partuhalija padtrymlivaje demakratyčnyja siły Biełarusi.