Z čaćviarha ŭ Estonii ŭvodzicca łakdaŭn

Premjer-ministr Kaja Kałas paviedamiła, što z čaćviarha ŭ Estonii ŭvodzicca łakdaŭn — začyniajucca handlovyja centry, restarany i spyniajecca akazańnie pasłuh, jakija nie źjaŭlajucca žyćciova važnymi. Vučniaŭ pačatkovych kłasaŭ taksama adpraŭlajuć na dystancyjnaje navučańnie, paviedamlaje Postimees.

09.03.2021 / 09:06

Priit Simson, Delfi

«Situacyja z COVID-19 u Estonii krytyčnaja. Na heta treba reahavać chutka, i my vyrašyli zakryć krainu nastolki, nakolki mahčyma. Navučalnyja ŭstanovy, u tym liku pačatkovyja kłasy, pierachodziać na dystancyjnaje navučańnie. Nastojliva rekamiendujecca nie vadzić dziaciej u dziciačyja sady», — skazała Kałas.

«Usie handlovyja centry, akramia kram tavaraŭ pieršaj nieabchodnaści i praduktovych, buduć začynienyja, usie pradpryjemstvy hramadskaha charčavańnia zastanucca začynienyja, a zaniatki sportam u pamiaškańni nie buduć dazvolenyja. Zvonku budzie dziejničać praviła 2+2», — dadała Kałas.

Premjer-ministr skazała, što abmiežavańni buduć dziejničać na praciahu miesiaca. «Abmiežavańni dziejničajuć nie mienš za miesiac, i my možam uvieści ich z čaćviarha. Usio heta dla taho, kab pamienšyć kantakty i razarvać łancužki zaražeńnia», — patłumačyła Kałas.