«Pakryŭdziłasia i dastała pistalet». Kanflikt u viciebskaj kramie ledź nie skončyŭsia stralaninaj VIDEA
U adnym z handlovych centraŭ Viciebska pasvarylisia dźvie kampanii, jakija tam vypivali, piša BiełTA.
10.03.2021 / 12:14
Pakryŭdziŭšysia na čarhovuju frazu na svoj adras, žančyna palezła ŭ žanočuju sumačku, doŭha niešta tam šukała i dastała pistalet. Paśla stała pahražać apanientu, sprabavała złavić jaho na pryceł i patrabavała vybačeńniaŭ.
Rabotnikam handlovaj ustanovy ŭdałosia adciahnuć žančynu i vybić u jaje pistalet. Jon akazaŭsia pnieŭmatyčnym. Zbroju zabrali va ŭnutranaje pamiaškańnie i ŭžo pieradali milicyi.
50-hadovaja žančyna pryznałasia, što krychu «pierahareła» i ŭžo pieražyvaje za svoj učynak. Taksama jana raspaviała, što nabyła pistalet niekalki hadoŭ tamu i nasiła z saboj dla samaabarony.
U dačynieńni da jaje raspačali kryminalnuju spravu.