Navukoŭcy raspracavali hulniu, kab pakazać chiby raspaznavańnia emocyj štučnym intelektam
Technałohija, pryznačanaja dla identyfikacyi čałaviečych emocyj, stanovicca ŭsio bolš papularnaj, što vyklikaje zaniepakojenaść siarod navukoŭcaŭ.
05.04.2021 / 20:38
Fota The Guardian
Technałohija raspaznavańnia emocyj pieratvarajecca ŭ vializnuju industryju. Z adnaho boku, takija technałohii mohuć być karysnymi ŭ roznych situacyjach: ad zabieśpiačeńnia biaśpieki darožnaha ruchu da markietynhavych daśledavańniaŭ. Ale daśledčyki pierakananyja, što takija technałohii nie tolki ŭzdymajuć prablemy kanfidencyjalnaści, ale i źjaŭlajucca niedakładnymi.
Daśledčyki z Kiembrydžskaha ŭniviersiteta stvaryli veb-sajt Emojify.info, dzie anłajn-hulni demanstrujuć mahčymaści štučnaha intelektu ŭ raspaznavańni emocyj čałavieka, paviedamlaje The Guardian.
U adnoj hulni karystalniku prapanoŭvajecca pakazać lubuju emocyju, a sistema z dapamohaj veb-kamiery kampjutara sprabuje jaje raspaznać.
Druhaja hulnia pakazvaje, jak sistema vyznačaje kantekst toj ci inšaj emocyi.
Hałoŭnaja meta daśledčykaŭ — pavysić uzrovień daśviedčanaści ludziej pra mahčymaści i abmiežavańni takich technałohij. Bolš za toje, stvaralniki imknucca paspryjać bolš šyrokamu abmierkavańniu ŭ hramadstvie vykarystańnia sistem raspaznavańnia emocyj.
Technałohija identyfikacyi emocyj moža vykarystoŭvacca ŭ roznych sfierach. Adnak, pa mierkavańni ekśpiertaŭ, ludziam treba ŭličvać pytańni dakładnaści, praduziataści i etyčnaści. Mnohija pravaabaroncy ličać, što takija sistemy supiarečać pravam čałavieka.