Мінэнерга пракаментавала сітуацыю з «узломам сайта» БелАЭС: Гэта была фішынгавая старонка
25 красавіка з'явілася інфармацыя, што сайт БелАЭС узламаны, а там размешчана паcланне-папярэджанне аб небяспечнасці станцыі.
28.04.2021 / 12:06
Мінэнерга сёння ў сваім тэлеграм-канале паведаміла: праблемы з доступам на афіцыйны сайт БелАЭС паўсталі праз падмену IP-адраса.
«Для ўкіду недакладнай інфармацыі зламыснікі стварылі фішынгавую старонку з атрыбутамі сайта БелАЭС, куды перанакіроўваліся карыстальнікі сайта станцыі, — адзначаецца ў паведамленні. — А праца афіцыйнага сайта БелАЭС не парушалася».
Па факце выяўлення падмены IP-адраса фішынгавая старонка была заблакаваная. Высвятляюцца датычныя да інцыдэнту асобы.
Мінэнерга дадае, што ў сувязі з тым, што сайт БелАЭС не размешчаны на серверах станцыі, інцыдэнт не нясе пагрозы для яе інфармацыйных сістэм.