У Мінску сямікласнік загінуў дома ад удару токам
Бацькі хлопчыка з'ехалі на лецішча, а калі ўвечары вярнуліся, знайшлі яго мёртвым.
21.05.2021 / 11:55
У школе, дзе вучыўся хлопчык, Tut.by факт гібелі вучня пацвердзілі, але падрабязнасці трагедыі не агучылі.
Праверку праводзіць СК.
Пазней СК паведаміў падрабязнасці трагедыі.
Вечарам 20 мая 13-гадовы хлопчык знаходзіўся адзін дома. Бацькі, вярнуўшыся дадому каля 22:30, выявілі яго цела без прыкмет жыцця. Левая рука дзіцяці знаходзілася на радыятары ацяплення, а левая нага закранала электрычную духавую шафу.
Бацькі сталі праводзіць рэанімацыйныя мерапрыемствы, выклікалі брыгаду хуткай дапамогі, але выратаваць хлопчыка не ўдалося.
Папярэдняя прычына смерці — электратраўма. Следчымі разглядаюцца версіі аб няспраўнасці або няправільным падключэнні духавой шафы.