Arhanizatary «Jeŭrabačańnia-2021» abviaścili ab pakazie anłajn-šou
Na YouTube-kanale «Jeŭrabačańnia» 28 i 29 maja pakažuć anłajn-šou, abviaścili arhanizatary.
27.05.2021 / 09:05
Kankursanty padrychtavali anłajn-vystupleńni na vypadak, kali z-za pandemii jany nie zmohuć być u Raterdamie, dzie prachodziŭ konkurs. 28 maja a 22:00 vyjduć roliki paŭfinalistaŭ, 29 maja — finalistaŭ.
Pieramožcam konkursu «Jeŭrabačańnia-2021», jaki prachodziŭ z 18 pa 22 maja, staŭ rok-hurt ź Italii Måneskin, jon vykonvaŭ kampazicyju «Zitti e bouni». Druhoje miesca zaniała Barbara Pravi z Francyi, treciaje — Gjon's Tears sa Šviejcaryi.
Biełaruś nie brała ŭdziełu ŭ «Jeŭrabačańni»: žury adchiliła zajaŭku prałukašenkaŭskaha hurta «Hałasy ZMiesta». Ich pieśniu paličyli palityzavanaj i biez mastackaj vartaści.