U Kramli nazvali «vybačeńni» Pucina pierad Łukašenkam «fihuraj maŭleńnia»
Pres-sakratar prezidenta RF Dźmitryj Piaskoŭ nazvaŭ «vybačeńni» rasijskaha lidara Uładzimira Pucina pierad Alaksandram Łukašenkam fihuraj maŭleńnia i dypłamatyčnaj karektnaściu.
27.05.2021 / 12:58
«Ja b skazaŭ tak: heta palitdypłamatyčnaja karektnaść», — skazaŭ Piaskoŭ žurnalistam u čaćvier, kamientujučy słovy Łukašenki ab tym, što Uładzimir Pucin nibyta vybačyŭsia pierad im za toje, što abmiarkoŭvaŭ Biełaruś z prezidentam ZŠA Džo Bajdenam, piša TASS.
Pradstaŭnik Kramla taksama ŭdakładniŭ, što abmierkavańnie lidaraŭ trecich krain «nie zusim pryniata ŭ mižnarodnaj praktycy» i nazvaŭ słovy prezidenta RF, jakija prahučali ŭ razmovie z Łukašenkam, «chutčej fihuraj maŭleńnia».
«Tamu heta nie varta ŭsprymać jak niepasrednyja vybačeńni», — padkreśliŭ pres-sakratar prezidenta.