Ідзе пахаладанне: сіноптыкі расказалі пра надвор'е на апошнія дні вясны

У суботу днём на большай частцы тэрыторыі краіны пройдуць кароткачасовыя дажджы. Недзе прагрымяць навальніцы.

28.05.2021 / 12:22

Ноччу ад +5°С на паўночным захадзе і да +14°С на паўднёвым усходзе краіны; днём +16..+21°С. У Мінску да +19°С.

У нядзелю і панядзелак абяцаюць уплыў халаднаватага паветра і атмасферных франтоў.

30 мая — кароткачасовыя дажджы, у асобных раёнах навальніцы. Вецер паўночны, парывісты, днём месцамі па паўночным захадзе моцны, парывісты. Днём +12..+19°С. У Мінску +13..+15°С.

У панядзелак, 31 мая, кароткачасовыя дажджы, навальніцы. Днём +9..+16°С. Паводле meteoinfo.by, у Мінску ўсяго +11°С.

Паводле папярэдняга прагнозу, у першыя дні лета ў Мінску будзе не больш за +17°С.