SK Biełarusi śćviardžaje, što paviedamleńniaŭ ab «miniravańni» samalota było niekalki
SK nakiruje Šviejcaryi prośbu ab pravavoj dapamozie pa spravie ab «miniravańni» rejsa Afiny — Vilnia.
28.05.2021 / 18:32
«Ličym niedapuščalnymi zdahadki, što niechta maje manapoliju na praŭdu, pakul papiaredniaje rasśledavańnie nie zavieršycca. Budźcie ŭpeŭnienyja, Śledčy kamitet bolš čym zacikaŭleny va ŭstalavańni sapraŭdnych i faktyčnych abstavin. Abjektyŭna, biesstaronna, prafiesijna razhladajucca ŭsie biez vyklučeńnia fakty i viersii», — raspaviali ŭ SK.
«Užo ŭstanoŭlena, što paviedamleńniaŭ ab «miniravańni» samalota, jakija pastupili z dapamohaj šviejcarskaha servisu ananimnaj pošty ProtonMail, było niekalki — u 12.25 i ŭ 12.56. Ciapier padrabiazna vyvučajucca i analizujucca zapisy pieramoŭ ź piłotami avijasudna, pravodziacca inšyja šmatlikija śledčyja dziejańni», — śćviardžaje SK.