Biełarusy pačali mitynhi na pahraničnych pierachodach z patrabavańniem adkryćcia naziemnych miežaŭ
U «Babroŭnikach» na polska-biełaruskaj miažy pačaŭsia namiotavy mitynh. Raniej padobnaja akcyja pačałasia la punkta propusku «Miedniki» na litoŭska-biełaruskaj miažy.
05.06.2021 / 17:45
«Babroŭniki»
Patrabavańni pikietoŭcaŭ da JES — paskoryć pryniaccie sankcyj suprać Alaksandra Łukašenki. Da biełaruskich uładaŭ — vyzvalić palitviaźniaŭ i adkryć naziemnyja miežy dla svabodnaha pieramiaščeńnia hramadzian.
Kali patrabavańni nie buduć vykananyja, to praz čatyry dni ŭdzielniki abiacajuć pačać błakavać ruch.
«Miadzininkaj»
«Miadzininkaj»
Akcyi lehalnyja i ŭzhodnienyja ź miascovymi ŭładami.
Nahadajem, z suboty 5 červienia Jeŭrasajuz aficyjna zakryŭ dla ŭsich biełaruskich samalotaŭ pavietranuju prastoru i aeraporty JES. Padstavaj dla ŭviadzieńnia žorstkich abmiežavalnych mier stała prymusovaja pasadka ŭ Minsku samalota Ryanair, jaki lacieŭ z Afin u Vilniu, i zatrymańnie Ramana Pratasieviča i Safii Sapiehi.
Abmiežavalnyja miery na vyjezd ź Biełarusi praz naziemnyja punkty propusku biełaruskija ŭłady ŭviali ŭ śniežni 2020 hoda. Aficyjnaja pryčyna — kavid. Dahetul abmiežavańni nie źniatyja.