У Мінск прыехала намесніца міністра абароны Расіі Таццяна Шаўцова
18 чэрвеня ў Мінск з рабочым візітам прыбыла дэлегацыя Міністэрства абароны Расіі на чале з намеснікам міністра абароны Таццянай Шаўцовай.
18.06.2021 / 14:37
Фота Мінабароны
Шаўцова сустрэлася з міністрам абароны Віктарам Хрэніным. Яны абмеркавалі асноўныя напрамкі дзейнасці, а таксама акрэслілі перспектывы супрацоўніцтва з улікам нацыянальных інтарэсаў і прыярытэтаў дзяржаў, паведамляе беларускае ведамства.
Дэлегацыя Мінабароны Расіі возьме ўдзел ва ўрачыстых мерапрыемствах, прысвечаных стагоддзю фінансавай службы Узброеных Сіл Беларусі.