Žonka Eryksena paprasiła nie turbavać futbalista
Sabryna Kvist Jensen, žonka futbalista zbornaj Danii Kryścijana Eryksena, raspaviała, jak siabie adčuvaje hulec. Pavodle jaje słoŭ, lidaru datčan, jaki pieražyŭ spynieńnie serca, rekamiendavana spakojnaje adnaŭleńnie.
19.06.2021 / 21:29
«Jon u paradku. My prosim spakoju».
Kryścijan Eryksen straciŭ prytomnaść u kancy pieršaha tajma matču hrupavoha etapu čempijanatu Jeŭropy Danija — Finlandyja. Chaŭbiek pieražyŭ spynieńnie serca.
Futbalist paśpiachova pieranios apieracyju pa ŭstanoŭcy kardyjostymulatara. Impłantavany jamu kardyjaviertar-defibrylatar słužyć dla likvidacyi arytmij i praduchileńnia spynieńnia serca. U piatnicu Eryksena vypisali z špitala.