Беларусь не звярталася да Расіі наконт размяшчэння расійскіх Узброеных сіл

Пра гэта прэс-сакратар прэзідэнта Расіі Дзмітрый Пяскоў паведаміў журналістам.

30.07.2021 / 13:57

«Ніякіх зваротаў на гэты конт ад Беларусі не было. Вы ведаеце, што гэта магчыма пасля афіцыйнага звароту кіраўніцтва адной краіны да кіраўніцтва іншай краіны. На гэты конт існуюць вызначаныя законам працэдуры, вызначаныя законам паўнамоцтвы. Якіх-небудзь зваротаў ад Беларусі на гэты конт не было», — сказаў прадстаўнік Крамля.

Сёння Аляксандр Лукашэнка заявіў, што ўзброеныя сілы Расіі могуць быць размешчаны ў краіне ў выпадку пагрозы бяспецы Саюзнай дзяржавы, але пакуль такой неабходнасці няма.