JES zaklikaŭ Łukašenku nie vykarystoŭvać mihrantaŭ u palityčnych metach
Jeŭrapiejski Sajuz zaklikaŭ režym Alaksandra Łukašenki pierastać vykarystoŭvać nielehalnych mihrantaŭ u jakaści instrumienta cisku na susiednija krainy. Pra heta havorycca ŭ zajavie kiraŭnika dypłamatyi JES Žaziepa Barela.
30.07.2021 / 21:43
«Vykarystańnie ludziej, jakija majuć patrebu ŭ dapamozie, dla dasiahnieńnia palityčnych metaŭ parušaje fundamientalnyja jeŭrapiejskija kaštoŭnaści i pryncypy. JES i jaho dziaržavy-členy asudžajuć instrumientalizacyju mihrantaŭ i biežancaŭ biełaruskim režymam», — havorycca ŭ zajavie.
U dakumiencie adznačajecca, što JES i jaho dziaržavy-členy buduć zmahacca z rostam kolkaści nierehularnych pierachodaŭ ź Biełarusi, kab zachavać cełasnaść svajoj źniešniaj miažy.