Za paŭhoda ŭ kałonii adpravili bolš za 4 tysiačy čałaviek
Viarchoŭny sud apublikavaŭ statystku za pieršaje paŭhoddzie 2021-ha. Usiaho było asudžana bolš za 17,5 tysiač čałaviek, za kraty adpravili 4052, amal kožnaha čacviortaha. Apraŭdalnyja prysudy, jak zaŭsiody, na ŭzroŭni statystyčnaj pahrešnaści — 0,14%. Pažyćciovy termin atrymali čatyry čałavieki, adnaho čałavieka sud pastanaviŭ rasstralać.
11.08.2021 / 11:42
Stała istotna mienš karupcyjnych złačynstvaŭ. Praktyka apošniaha hoda pakazvaje, što ŭ fokusie pravaachoŭnikaŭ ciapier inšyja złačynstvy — usio bolš za ŭdzieł u mitynhach, kamientary na adras pradstaŭnikoŭ ułady, supraciŭ siłavikam. Za karupcyju asudzili 232 čałaviek (letaś za hety pieryjad było na 154 bolš), chabary atrymali 80 čałaviek, dali chabary — 58 čałaviek.
Za šeść miesiacaŭ sudy razhledzieli bolš za 105 tysiač administratyŭnych spravaŭ. Amal 65,5 tysiač biełarusaŭ pa vyniku zapłacili štrafy, bolš za 18 tysiač — adpravili na sutki. Kolki spravaŭ było za pratesnuju dziejnaść, VS nie paviedamlaje. Niadaŭna ŭviali novaje pakarańnie — hramadskija pracy, ale za paŭhoda tolki dzieviać čałaviek atrymali jaho.