На волю выйшаў апошні фігурант «справы PandaDoc» Віктар Куўшынаў
Пра вызваленне аднаго з топ-менеджараў IT-кампаніі паведаміла яго жонка Саша Дзікан.
20.08.2021 / 22:32
Віктар Куўшынаў
Дырэктар па прадукце PandaDoc Віктар Куўшынаў знаходзіўся ў няволі амаль год — з 2 верасня 2020 года. Яго затрымалі разам з дырэктарам мінскага офіса Дзмітрыем Рабцэвічам, галоўнай бухгалтаркай Юліяй Шардыка і HR Уладзіславам Міхалапам.
Усім чацвярым затрыманым было выстаўлена абвінавачванне ў махлярстве, здзейсненым арганізаванай групай альбо ў асабліва буйным памеры (ч. 4 артыкула 209 КК). Фігуранты віну не прызналі.
Трое калег Віктара былі вызваленыя пад падпіску аб нявыездзе яшчэ ў кастрычніку 2020-га, пасля сустрэчы палітвязняў з Аляксандрам Лукашэнкам у СІЗА КДБ.