Na volu vyjšaŭ apošni fihurant «spravy PandaDoc» Viktar Kuŭšynaŭ
Pra vyzvaleńnie adnaho z top-mieniedžaraŭ IT-kampanii paviedamiła jaho žonka Saša Dzikan.
20.08.2021 / 22:32
Viktar Kuŭšynaŭ
Dyrektar pa pradukcie PandaDoc Viktar Kuŭšynaŭ znachodziŭsia ŭ niavoli amal hod — z 2 vieraśnia 2020 hoda. Jaho zatrymali razam z dyrektaram minskaha ofisa Dźmitryjem Rabcevičam, hałoŭnaj buchhałtarkaj Julijaj Šardyka i HR Uładzisłavam Michałapam.
Usim čaćviarym zatrymanym było vystaŭlena abvinavačvańnie ŭ machlarstvie, ździejśnienym arhanizavanaj hrupaj albo ŭ asabliva bujnym pamiery (č. 4 artykuła 209 KK). Fihuranty vinu nie pryznali.
Troje kaleh Viktara byli vyzvalenyja pad padpisku ab niavyjeździe jašče ŭ kastryčniku 2020-ha, paśla sustrečy palitviaźniaŭ z Alaksandram Łukašenkam u SIZA KDB.