Венядзіктаў: Меркель прасіла Пуціна паўплываць на Лукашэнку, каб той выпусціў палітвязняў

На сустрэчы ў Крамлі канцлер Германіі Ангела Меркель прасіла прэзідэнта Расіі Уладзіміра Пуціна паўплываць на свайго саюзніка.

23.08.2021 / 09:39

Фота прэс-службы Крамля

Як заявіў у эфіры праграмы «Будзем назіраць» галоўны рэдактар «Эхо Москвы» Аляксей Венядзіктаў, у праграме перамоваў тэма Беларусі «вядома была», пішуць naviny.online

«Яны занялі прама супрацьлеглыя пазіцыі, і, вядома, я нават не сумняваюся, што Меркель папрасіла Пуціна паўплываць на Лукашэнку, перш за ўсё ў частцы выпуску палітвязняў. Нават сумневу няма. Нават, скажам так, я ведаю. Тут нават не здагадка. Не канструкцыя, а веданне», — заявіў ён.