Дзяржкантроль рэкамендаваў Полацкаму райвыканкаму радзей падмятаць і мыць падлогі
Так яны змогуць скараціць амаль траціну прыбіральшчыц
26.08.2021 / 09:00
Праверка Камітэта дзяржкантролю выявіла неашчаднае расходванне бюджэтных сродкаў у Полацкім райвыканкаме, паведамляе прэс-служба КДК.
Для эканоміі прадстаўнікі КДК прапанавалі прыбіраць памяшканні ва ўстановах культуры і райвыканкаме ў два разы радзей. Цяпер там штодня падмятаюць і мыюць падлогі, адзін раз на два тыдні абмятаюць сцены, столь и калоны, а вокны мыюць штомесяц.
Зніжэнне гэтай перыядычнасці ўдвая дапаможа скараціць 30% ставак прыбіральшчыц — такую выснову робяць у КДК.