Za kamientar «Nu i chara!» pad zapisam pra ŭčastkovaha žančynie prysudzili dva hady chatniaj chimii
Žycharku Homiela Alesiu Bachun abvinavačvali ŭ abrazie pradstaŭnika ŭłady: u lipieni 2020 žančyna na staroncy Volhi Karač pakinuła kamientar «Nu i chara!» pad zapisam pra ŭčastkovaha z Babrujska pa proźviščy Komar. Značna paźniej, naprykancy lutaha abo pačatku sakavika 2021 hoda, pa miescy žycharstva Bachun byŭ praviedzieny pieratrus, paviedamlajuć pravaabaroncy.
31.08.2021 / 20:12
Suddzia Jaŭhien Šaršnioŭ prysudziŭ žančynie dva hady «chatniaj chimii». Taksama Alesia pavinna vypłacić paciarpiełamu supracoŭniku milicyi 1000 rubloŭ kampiensacyi maralnaha ŭronu.
Darečy, zusim niadaŭna, 24 žniŭnia, dva hady «chatniaj chimii» za kamientar pad pastom Volhi Karač atrymaŭ žychar Harodni Andrej Krysiuk. Paciarpiełym tam taksama vystupaŭ supracoŭnik milicyi Komar.