Muž i žonka pierasyłali ŭ pryvatnych paviedamleńniach adno adnamu infarmacyju z «ekstremisckich kanałaŭ» — ich aryštavali na 56 sutak kožnaha
Muž i žonka pierasyłali ŭ pryvatnych paviedamleńniach adno adnomu infarmacyju z «ekstremisckich kanałaŭ» — ahułam ich aryštavali na 56 sutak kožnaha, a siońnia znoŭ nie vypuścili z «sutak», paviedamlajuć pravaabarocy.
10.09.2021 / 19:27
U lipieni milicyjanty zatrymali siamju Siarhieja Krupieniča i Anastasiju Krupienič-Kandraćievu. Na ich skłali pa try pratakoły pa art. 19.11 KaAP (Raspaŭsiudžvańnie infarmacyjnaj pradukcyi, jakaja źmiaščaje zakliki da ekstremisckaj dziejnaści abo prapahanduje takuju dziejnaść) za toje, što jany pierasyłali ŭ pryvatnych paviedamleńniach adno adnamu infarmacyju z «ekstremisckich kanałaŭ». Ahułam ich asudzili na 41 sutki kožnaha. 25 žniŭnia jany vyjšli na volu paśla aryštu: Anastasija — u Baranavičach, Siarhiej — ź IČU na Akreścina. Kali jany viarnulisia dadomu, to tam ich čakali milicyjanty, jakija paprasili nastupnaj ranicaj pryjści ŭ RUUS i «padpisać dakumienty». Muž i žonka pajšli ŭ milicyju, ale tam ich čakali novyja pratakoły pa art. 19.11 KaAP, pa jakich ich znoŭ asudzili na 15 sutak kožnaha.
Siońnia Anastasija i Siarhiej pavinny byli vyjści na volu, ale hetaha nie adbyłosia. Pravaabaroncam stała viadoma, što na ich skłali novyja pratakoły za «raspaŭsiud ekstremisckich materyjałaŭ» za paviedamleńni-reposty adno adnomu. Pa papiaredniaj infarmacyi, sud nad Siarhiejem užo adbyŭsia, a Anastasiju buduć sudzić u paniadziełak. Vierahodna, mužčynu znoŭ aryštavali, bo na volu jon tak i nie vyjšaŭ.