MVF praviadzie ŭ Biełarusi dadatkovuju misiju: u fondzie zaniepakojenyja vydzialeńniem amal miljarda dalaraŭ uradu Łukašenki
Mižnarodny valutny fond u piatnicu zajaviŭ, što pačnie virtualnuju misiju ŭ Biełaruś na fonie zaniepakojenaści z nahody vyłučeńnia mižnarodnym kredytoram novych nadzvyčajnych reziervaŭ uradu Łukašenki, paviedamlaje Reuters.
11.09.2021 / 12:18
Pradstaŭnik MVF zajaviŭ, što misija nakiravanaja na zbor dadatkovaj infarmacyi ab ekanamičnych padziejach u Biełarusi i jaje zachadach u adkaz na pandemiju COVID-19.
Misija pačniecca ŭ paniadziełak, paviedamiła krynica, znajomaja z płanami, ale nie ŭpaŭnavažanaja kazać publična.
U minułym miesiacy MVF zajaviŭ, što ŭvažliva sočyć za Biełarussiu, ale pieradaŭ uradu Łukašenku dostup amal da 1 młrd dalaraŭ u novych śpiecyjalnych pravach zapazyčańni (SDR), ułasnaj reziervovaj valucie MVF, u ramkach bolš šyrokaha raźmierkavańnia 650 młrd dalaraŭ dla ŭsich krain — čalcoŭ MVF.
Niekatoryja zakanadaŭcy ZŠA zaklikali MVF abmiežavać dostup urada da fondaŭ.
Misija, jakaja praviadzie anłajn-intervju, zakładzie asnovu dla kompleksnaj misii pa ekanamičnym nazirańni ŭ adpaviednaści z Artykułam IV u śniežni. Takija ahlady rehularna pravodziacca hłabalnym kredytoram.