Itałija pieršaj u Jeŭropie ŭviadzie abaviazkovuju vakcynacyju dla ŭsich prafiesij
Z 15 kastryčnika Itałija stanie pieršaj jeŭrapiejskaj krainaj, u jakoj budzie ŭviedziena abaviazkovaja vakcynacyja dla ŭsich sfier. Rabotniki nie zmohuć biez «zialonaha propuska» trapić na fabryki, ofisy, prafiesijnyja studyi i lubyja inšyja pracoŭnyja miescy.
16.09.2021 / 12:20
ANSA
Adznačana, što jak dziaržaŭnyja, tak i kamiercyjnyja kampanii pavinny pryznačyć adkaznaha za pravierku takich «propuskaŭ», jak heta ciapier adbyvajecca ŭ škołach i ŭniviersitetach.
Tak, rabotnikaŭ, jakija nie buduć mieć «zialonaha propuska» płanujuć štrafavać, ale nie zvalniać.
Suma štrafaŭ budzie składać ad 400 da 1000 jeŭra, i jašče bolš — u vypadku vyjaŭleńnia padrobki dakumienta.
Akramia taho, paśla piaci dzion adsutnaści čałavieka na pracoŭnym miescy, z-za adsutnaści «zialonaha propuska», pracadaŭca maje prava prypynić kantrakt biez vypłat i kampiensacyj.