U HC «Stalica» adkryŭsia raźlikova-daviedačny centr

U handlovym centry «Stalica» 4 kastryčnika adkryŭsia raźlikova-daviedačny centr Maskoŭskaha rajona.

04.10.2021 / 15:15

Pamiaškańnie raźmiaściłasia na druhim uzroŭni handlovaha centra, paviedamlajuć «Minsk-naviny».

U ciapierašni RDC pierajechali adrazu try rajonnyja raźlikova-daviedačnyja centry, jakija raźmiaščalisia na vulicy Lermantava, praśpiekcie Haziety «Źviazda» i ŭ 2-m zavułku Rozy Luksiemburh.

Miarkujecca, što raźlikova-daviedačny centr budzie pracavać da 22:00.

Pryčym dziakujučy raniej uviedzienamu pryncypu eksterytaryjalnaści skarystacca jaho pasłuhami zmohuć i žychary, jakija adnosiacca da inšych RDC Maskoŭskaha rajona (dla ich buduć niedastupnyja pasłuhi rehistracyi pa miescy žycharstva, a taksama atrymańnie i abmien pašparta, jakija možna ažyćciavić tolki ŭ RDC pa terytaryjalnaj prynaležnaści pamiaškańnia).