ARIP stanie pradavać infarmacyju ab svaich kłijentach
Adpaviednaje paviedamleńnie raźmieščana na sajcie arhanizacyi. U im paznačana, što «ARIP» pačnie akazvać novyja pasłuhi — Pradastaŭleńnie źviestak ab kłijentach i aŭtentyfikacyju fizičnych asob, paviedamlajuć «Minsk-Naviny».
07.10.2021 / 09:27
U arhanizacyi tłumačać, što pradastaŭlać danyja ab kłijentach buduć dla abnaŭleńnia i aktualizacyi danych roznych struktur. Kupić infarmacyju pra karystalnikaŭ sistemy «ARIP» zmohuć banki, niabankaŭskija kredytna-finansavyja arhanizacyi, akramia NKFA, jakija akazvajuć kasava-inkasatarskija pasłuhi, AAT «Bank raźvićcia Respubliki Biełaruś» i asoby, jakija ažyćciaŭlajuć finansavyja apieracyi. Za dostup da bazy na miesiac treba budzie zapłacić 1710 rubloŭ.
Aŭtentyfikacyju abo vieryfikacyju danych fizičnych asob buduć pravodzić z dapamohaj mižbankaŭskaj sistemy identyfikacyi (MSI) z vykarystańniem bijamietryčnych danych u dystancyjnych kanałach z dadatkovaj mahčymaściu aŭtentyfikacyi pa dynamičnym paroli. Takaja pasłuha dastupnaja subjektam MSI, akramia inšych jurydyčnych asob i NKA, jakija akazvajuć kasava-inkasatarskija pasłuhi.