Biełaruskija kampanii padali pazovy da Rady JES, kab ich vyklučyli z sankcyjnych śpisaŭ
MAZ, BIEŁAZ i «Biełaeranavihacyja» padali pazoŭ da Rady Jeŭrasajuza. Jany patrabujuć, kab skasavali ŭviedzienyja JES suprać ich sankcyi.
18.10.2021 / 13:13
Pra heta paviedamlajecca ŭ Aficyjnym časopisie Jeŭrasajuza.
Biełaruskija kampanii damahajucca admieny rašeńniaŭ Rady Jeŭrasajuza, jakimi ich ŭklučyli ŭ sankcyjnyja śpisy. Pazovy zafiksavali ŭ kancy žniŭnia — pačatku vieraśnia.
U kancy červienia Rada JES zacvierdziła ekanamičnyja siektaralnyja sankcyi. Jany zakranuć viadučych ekspartnych halin: kalijnaj, naftapierapracoŭčaj, a jašče tytuniovaj. Ale faktyčna da kanca hoda abmiežavańni amal nie zakranuć handal z krainami JES u hetych kirunkach.