«My sustreli tut šmat śmiełych ludziej»: pasoł Francyi pakidaje Biełaruś
MZS Biełarusi pacvierdziła, što pasoł Francyi Nikala de Lakost nie zaviaršyŭ praceduru ŭstupleńnia na pasadu, Minsk paviedamiŭ Paryžu ab zakančeńni terminu zhody na jaho pryznačeńnie. Taksama pasoł Biełarusi ŭ Francyi adklikany ŭ Minsk dla kansultacyj.
18.10.2021 / 15:00
Fota z sajta Pasolstva Francyi
Adjezd pasła byŭ vynikam niežadańnia Paryža ŭručać davierčyja hramaty Alaksandru Łukašenku.
Na sajcie pasolstva Francyi źjaviłasia pasłańnie Nikala de Lakosta biełaruskamu narodu.
«Darahija siabry! Dazvolcie mnie siońnia adpravić vam raźvitalnaje pasłańnie. Nam z žonkaj, na žal, daviadziecca pakinuć Biełaruś. Jak vy viedajecie, Francyja nie pryznała vyniki vybaraŭ 9 žniŭnia 2020 hoda, i ja nie ŭručaŭ svaje davierčyja hramaty.
My praviali tut ciažkija, ale niezabyŭnyja dni. U nas było šmat cikavych sustreč i adkryćciaŭ. My sustreli šmat śmiełych i mocnych ducham ludziej. My z žonkaj adkryli dla siabie ščodraść Biełarusi i biełarusaŭ. Vy nazaŭždy zastaniaciesia ŭ našych dumkach. Viedajcie, što my zastaniomsia pobač z vami. My zaklikajem vas nikoli nie hublać nadzieju na lepšyja dni. Ubačymsia chutka!» — havorycca ŭ pasłańni.