Biełaruś akaža humanitarnuju dapamohu Tadžykistanu

U hetuju krainu dvuma vajskovymi samalotami Ił-76MD nakirujuć hruz bolšy za 40 ton i koštam amal u miljon rubloŭ, paviedamlaje Minabarony.

24.10.2021 / 17:30

Siońnia Tadžykistan maje patrebu ŭ dapamozie ŭ suviazi z vialikim napłyvam biežancaŭ z Afhanistana, jakija masava pakidajuć svaju radzimu paśla prychodu da ŭłady talibaŭ. Pa niekatorych źviestkach, u Tadžykistan užo prybyło kala 10 tysiač afhancaŭ.

U składzie humanitarnaj dapamohi Biełaruś dašle elektrahienieratary, pałatki, pradukty charčavańnia i miedycynskija vyraby. Pieralik nieabchodnaha byŭ uzhodnieny z tadžykskim bokam.