Anastasii Krupienič-Kandraćievaj dali čarhovyja sutki. Jana budzie za kratami 126 dzion
U čacvier paśla 111-sutačnaha aryštu ź CIP na Akreścina na volu nie vyjšła palitźniavolenaja Anastasija Krupienič-Kandraćieva.
05.11.2021 / 16:42
Na jaje skłali novy pratakoł, a siońnia adbyŭsia sud, jak paviedamlajuć pravaabaroncy.
Suddzia Leninskaha rajona Anastasija Ačałava asudziła jaje na 15 sutak pa č. 2 art. 19.11 KaAP (Raspaŭsiud ekstremisckich materyjałaŭ).
Takim čynam, Anastasija Krupienič-Kandraćieva praviadzie za kratami 126 sutak.
Anastasiju i jaje muža Siarhieja Krupieniča zatrymali ŭ siaredzinie lipienia. Z tych časoŭ ich užo niekalki razoŭ sudzili pavodle art. 19.11 KaAP za «raspaŭsiud infarmacyjnaj pradukcyi, uklučanaj u respublikanski śpis ekstremisckich materyjałaŭ», dajučy ad 10 da 15 sutak. Jany pierasyłali adno adnamu ŭ asabistych paviedamleńniach spasyłki na infarmacyju, pryznanuju potym ekstremisckaj.