U Polščy zatrymali pravadnikoŭ, jakija pieravozili nielehalnych mihrantaŭ na chutkaj
U Polščy niedaloka ad Bielska-Padlaskaha zatrymali mašynu chutkaj dapamohi, jakaja pieravoziła mihrantaŭ zamiest pacyjentaŭ. Kiroŭca sprabavaŭ źbiehčy, ale jaho znajšli z dapamohaj viertalota, paviedamlaje palicyja.
05.11.2021 / 20:06
4 listapada pamiežniki paviedamili palicyi, što ŭ napramku horada Bielsk-Padlaski jedzie mašyna chutkaj dapamohi, u jakoj mohuć pieravozicca nielehalnyja mihranty. Aŭtamabil nie nakiroŭvaŭsia ŭ balnicu.
Kali palicejskija spynili mašynu, kiroŭca źbieh. U aŭtamabili zastaŭsia jaho 29-hadovy naparnik, hramadzianin Polščy, i piać hramadzian Iraka, jakija nielehalna pierajšli biełaruska-polskuju miažu. Kiroŭcu znajšli z dapamohaj viertalota.