170 irakcaŭ pažadali viarnucca samalotam dadomu z-pad biełaruska-polskaj miažy

Ministerstva zamiežnych spraŭ Iraka zarehistravała 170 irakskich mihrantaŭ, jakija znachodziacca na polska-biełaruskaj miažy i chočuć viarnucca na radzimu. Pra heta ŭ aŭtorak paviedamiŭ aficyjny pradstaŭnik irakskaha MZS Achmied as-Sachaf, piša TASS.

16.11.2021 / 14:42

«Na dadzieny momant my zarehistravali 170 čałaviek, jakija žadajuć dobraachvotna viarnucca ŭ Irak z rajona na miažy pamiž Biełarussiu i Polščaj», — skazaŭ as-Sachaf.

Pa słovach pradstaŭnika MZS, «irakskija dypłamaty ŭ ciapierašni čas zaviaršajuć kaardynacyju pa pytańniach łahistyki z administracyjaj aeraporta ŭ Minsku, kab ažyćciavić śpiecyjalny avijarejs dla viartańnia na radzimu irakcaŭ, jakija znachodziacca na polska-biełaruskaj miažy».

Minułym dniom as-Sachaf paviedamiŭ, što irackaje Ministerstva vałodaje infarmacyjaj pra 571 irakca, što znachodzicca la polska-biełaruskaj miažy. Adnak, dadaŭ jon, «dakładnuju kolkaść hramadzian Iraka źličyć niemahčyma z pryčyny vialikaj praciahłaści samaj miažy i niežadańnia asobnych mihrantaŭ viartacca ŭ Irak».

Rejs zapłanavany na čacvier.