Вярхоўны суд ліквідаваў рух «За свабоду»
19 лістапада Вярхоўны суд па прапанове Міністэрства юстыцыі прыняў рашэнне аб пазбаўленні рэгістрацыі руху «За свабоду».
19.11.2021 / 14:52
Юрый Губарэвіч
Пра гэта паведаміў у сваім фэйсбуку старшыня арганізацыі Юрый Губарэвіч
Папярэдняе пасяджэнне прайшло яшчэ 18 кастрычніка. 14 ліпеня ў цэнтральным офісе арганізацыі ў Мінску прайшоў ператрус, пасля чаго памяшканне апячаталі.
«Фармальнае пазбаўленне легальнага статуса арганізацыі не здольнае забраць у актывістаў руху пачуццё веры ў слушнасць абранага шляху, салідарнасць і ўзаемападтрымку сяброў Руха. Гэтак жа не сыйдзе ў нябыт усё тое станоўчае, што было зроблена за 15-ці гадовую гісторыю дзейнасці арганізацыі» — напісаў Губарэвіч.
Рух «За свабоду» быў заснаваны ў 2006-м Аляксандрам Мілінкевічам і такім чынам праіснаваў 15 гадоў.