Žychary Šumilinskaha rajona vielmi chacieli vypić. Dla susiedziaŭ usio skončyłasia reanimacyjaj
Uviečary 19 listapada 18- i 24-hadovy žychary rajona raśpivali śpirtnyja napoi. Paźniej jany vyrašyli zdabyć hrošy, kab kupić jašče śpirtnoha i nakiravalisia da susieda adnaho ź ich, paviedamlaje SK.
21.11.2021 / 13:02
Paśla niaŭdałaj sproby vybić dźviery, maładyja ludzi raźbili akno, trapili ŭ kvateru i stali patrabavać u haspadara hrošy. Mužčynu ŭdałosia vybiehčy na vulicu, adnak jaho dahnali i źbili. Viarnuŭšysia ŭ kvateru, padazravanyja pačali vybivać hrošy ŭ siastry paciarpiełaha. Kali žančyna pierastała supraciŭlacca, jany zabrali śpirtnoje i syšli.
Paciarpiełyja, 63-hadovy mužčyna i jaho 60-hadovaja siastra, znachodziacca ŭ reanimacyi.
Raspačataja kryminalnaja sprava pa č. 3 art. 207 Kryminalnaha kodeksa Biełarusi (razboj, učynieny z pryčynieńniem ciažkaha cialesnaha paškodžańnia).