Мінабароны Польшчы заявіла, што з Беларусі абстралялі асвятляльныя мачты на мяжы
У Мінабароны Польшчы заявілі, што з тэрыторыі Беларусі хтосьці стрэліў з пнеўматычнай зброі па асвятляльных мачтах на мяжы.
01.12.2021 / 11:03
З-за інцыдэнту ў ведамства выклічуць ваеннага аташэ Беларусі.
Пазней Дзяржпамежкамітэт Беларусі абвергнуў інфармацыю пра абстрэл.
«На паказаным польскім участку адлегласць ад мяжы да польскіх асвятляльных мачтаў перавышае дыстанцыю, на якой можна зрабіць прыцэльны стрэл з пнеўматычнай зброі, што разам з бессэнсоўнасцю падобных дзеянняў робіць немагчымым іх пашкоджанне з тэрыторыі Беларусі», гаворыцца ў афіцыйным паведамленні.
«Дадаткова неабходна падкрэсліць, што беларускія памежныя ўборы нясуць службу на мяжы толькі з баявой зброяй».