Rasija zajaŭlaje, što ŭkrainski karabiel ruchajecca da Kierčanskaha praliva i «pahražaje marapłaŭstvu»
Karabiel upraŭleńnia «Danbas» VMS Ukrainy nabliziŭsia da Kierčanskaha praliva, patrabavańni rasijan źmianić kurs nie vykonvaje, śćviardžaje FSB Rasii.
09.12.2021 / 22:57
Karabiel znachodzicca za 18 marskich mil ad Kierčanskaha praliva i patrabavańniaŭ źmianić kurs nie vykonvaje. U FSB adznačyli, što dziejańni karabla «stvarajuć pahrozu biaśpiecy marapłaŭstva». Ranicaj jon źniaŭsia z rejdu porta Maryupal i vysunuŭsia ŭ napramku Kierčy.
«Zajavak u adpaviednaści z abaviazkovymi pastanovami ŭ marskim porcie Kierč, zacvierdžanymi zahadam Ministerstva transpartu RF ad 21 kastryčnika 2015 hoda №313, na prachodžańnie Kierč-Jenikalskim kanałam ukrainskim bokam padadziena nie było», — havorycca ŭ paviedamleńni.
Dniom 9 śniežnia rasijanie atrymali adkaz, što iści praz Kierčanski praliŭ karabiel nie płanuje.