Латвія не пусціла 383 тоны нафтапрадуктаў з Беларусі
Службай Мытнага ўпраўлення Латвіі прадухіленая спроба незаконнага ўвозу ў Латвію 383,8 тоны нафтапрадуктаў, што трапляюць пад санкцыі Еўрапейскага саюза.
21.12.2021 / 14:24
«Латвійскія прадпрымальнікі, якія ўдзельнічаюць у ланцугу паставак грузаў, прынялі ўсе неабходныя меры, каб адправіць тавар назад у Беларусь», — паведамляе Delfi.lv.
Мытнае ўпраўленне кантралюе, каб нелегальна не былі ўвезеныя нафтапрадукты і іншыя забароненыя тавары, напрыклад, тавары падвойнага прызначэння, хларыд калію («паташ») і тавары, якія выкарыстоўваюцца пры вытворчасці тытунёвых вырабаў.
У Службе дзярждаходаў адзначылі, што асаблівая ўвага таксама надаецца канкрэтным асобам і арганізацыям з Беларусі.