Мастак Васіль Шаранговіч памёр праз два дні пасля сваёй жонкі
Народны мастак Беларусі, прафесар, ён доўгі час быў рэктарам Акадэміі мастацтваў.
31.12.2021 / 13:50
Васіль Шаранговіч. Ілюстрацыя да верша «А хто там ідзе?».
29 снежня памерла Галіна Шаранговіч, а сёння, 31 снежня — Васіль Шаранговіч. Пра гэта «Нашай Ніве» паведамілі сябры сям'і Шаранговічаў.
Народны мастак Беларусі, прафесар, ён доўгі час быў рэктарам Акадэміі мастацтваў, зрабіў шмат для адраджэння Беларусі і здабыцця ёю незалежнасці. Гэта быў чалавек вялікіх заслуг і бездакорнай рэпутацыі.
Ураджэнец Мядзельшчыны (вёска Качаны каля Слабады), ён аўтар твораў, якія сталі класікай беларускай графікі.
Васіль не дажыў два тыдні да 83 гадоў.
Фота тут і вышэй — Wikimedia Commons.