Чума!
Яе ўспышка зафіксаваная на паўночным захадзе Кітаю.
03.08.2009 / 22:12
Яе ўспышка зафіксаваная на паўночным захадзе Кітаю.
Два чалавекі памерлі ад лёгачнай чумы на паўночным захадзе Кітаю. Мяркуецца, што хварэюць яшчэ 10 чалавек. Улады Кітаю ўвялі карантын ў мястэчку Цзыкетань у правінцыі Цыньхай. У ім пражывае каля 10 тысяч чалавек. Памерлыя былі суседзямі.
Лёгачная чума — адна з самых небяспечных хваробаў. Яна перадаецца праз паветра. Смяротнасць ад яе вельмі высокая.
Расея ўзмацніць кантроль на мяжы праз успышку чумы ў Кітаі, паведаміў галоўны санітарны доктар краіны Генадзь Анішчанка.
«Няясна, чаму лёгачная чума. Як правіла, яна пачынаецца з бубонной чумы», — дадаў ён.
Чуму пераносяць грызуны і насякомыя, што кормяцца іх крывёю. У Сярэднявеччы ад чумы, здаралася, гінула палова насельніцтва планеты.