Кантынгент АДКБ застанецца ў Казахстане «да поўнай стабілізацыі становішча»
09.01.2022 / 17:52
Кантынгент АДКБ застанецца ў Казахстане да поўнай стабілізацыі становішча. Пра гэта падчас брыфінгу паведаміў камандуючы міратворцамі АДКБ Андрэй Сердзюкоў.
«Выкананне задач падраздзяленнямі калектыўных міратворчых сіл будзе працягнутае да поўнай стабілізацыі абстаноўкі», — заявіў ён.
А таксама праінфармаваў аб тым, што калектыўныя сілы АДКБ завяршылі разгортванне на тэрыторыі Казахстана. Паводле яго слоў, у гэты момант вайскоўцы выконваюць задачы па ахове важных дзяржаўных, ваенных і сацыяльных аб'ектаў.