Віцэ-спікер Дзярждумы: Расія павінна быць адноўленая ў межах імперыі
Віцэ-спікер Дзярждумы Пётр Талстой лічыць, што Расія павінна быць адноўленая ў межах Расійскай імперыі. Такое меркаванне парламентарый выказаў пасля ўзнагароджання журналістаў у Дзярждуме з нагоды Дня друку, паведамляе znak.com.
14.01.2022 / 12:21
Са слоў Талстога, калі да Расіі далучыцца шэраг краін, якія раней уваходзілі ў склад імперыі, то краіны Прыбалтыкі і Фінляндыя «самі прыпаўзуць», усвядоміўшы «мізэрнасць свайго становішча».
Якім чынам магло б адбыцца такое аднаўленне, Пётр Талстой не ўдакладніў. Але не выключыў, што гэта магло б здарыцца ў перспектыве дзесяцігоддзя.