У Старобіне знайшлі танкавы снарад
Снарад аказаўся вучэбным і быў хутка абясшкоджаны.
17.01.2022 / 21:46
Фота: esoligorsk.by
Жыхары Старобіна ў Салігорскім раёне сёння звярнуліся ў мясцовую міліцыю з паведамленнем, што імі знойдзены прадмет, які нагадвае заржавелы снарад, паведамляе выданне «Электронны Салігорск».
Знаходка сапраўды аказалася танкавым снарадам і была абясшкоджаная супрацоўнікамі сапёрна-піратэхнічнай службы ўнутраных войскаў. Паведамляецца, што снарад быў вучэбным.