Suzasnavalnik IT-kampanii Andersen paprasiŭ prabačeńnia za dyskryminacyju ŭkrainskaj movy
U sacsietkach i ŚMI abmiarkoŭvajuć historyju, jakaja dniami zdaryłasia ź biełaruskaj IT-kampanijaj Andersen. Rekruciory jaje ŭkrainskaha ofisa, jaki ciapier dla kampanii asnoŭny, admaŭlali niekatorym ludziam u pryjomie na pracu na toj padstavie, što tyja havorać pa-ŭkrainsku i nie chočuć pierachodzić na ruskuju. U vyniku skandała suzasnavalnik Andersen Alaksiej Arłoŭ paprasiŭ prabačeńnia ŭ adnaho z ajcišnikaŭ.
18.01.2022 / 20:14
Pra adzin z takich vypadkaŭ, jaki zdaryŭsia z ajcišnikam Bahdanam Śmirnovym (Mielnikam), «Naša Niva» niadaŭna pisała. Abureńnie Bahdana tym bolš zrazumiełaje, što, akazvajecca, u 2015—2016 hadach jon vajavaŭ u składzie Uzbrojenych Sił Ukrainy na Danbasie.
Ale Śmirnoŭ-Mielnik byŭ nie pieršy, chto publična zajaviŭ pra fakt dyskryminacyi. Spačatku ŭ sietcy LinkedIn apublikavaŭ svaju pierapisku z riekruciorami z Andersen kijeŭski java-raspracoŭščyk Dzianis Vadacijec, piša dev.by.
Padčas pierapiski riekrucior udakładniaŭ u Dzianisa: ci hatovy kandydat mieć znosiny z kamandaj na ruskaj movie, bo heta asnoŭnaja mova ŭ kampanii? Ajcišnik adkazaŭ, što ruskuju jon razumieje, ale sam havoryć tolki pa-ŭkrainsku i pa-anhlijsku. Paśla hetaha rekrucior skazaŭ, što ŭ takim vypadku jaho jak kandydata «nie možam vas razhledzieć».
U vyniku skandału siońnia historyju musiŭ prakamientavać suzasnavalnik Andersen Alaksiej Arłoŭ. Jon napisaŭ u Fejsbuku post na ŭkrainskaj movie, dzie paprasiŭ prabačeńnia pierad Dzianisam Vadacijcam i pryznaŭ spraviadlivymi abvinavačvańni ŭ dyskryminacyi.
My budziem sačyć, ci budzie hetaja historyja mieć praciah dalej.