Следчыя высвятляюць, чаму ўчора пад Магілёвам упаў будаўнічы кран. Пакуль вінавацяць сістэму бяспекі
Вечарам 26 студзеня на аб'екце ў аграгарадку Палыкавічы Магілёўскага раёна адбылося падзенне вежавага крана. У момант здарэння машыніст знаходзіўся ў кабіне і рабіў пад'ём двух гружаных паддонаў.
27.01.2022 / 18:48
У выніку падзення 34-гадоваму рабочаму былі прычыненыя розныя траўмы. Ён шпіталізаваны.
Супрацоўнікі Магілёўскага міжраённага аддзела Следчага камітэта правялі агляд месца здарэння, апытаныя відавочцы, плануецца прызначэнне судова-медыцынскай экспертызы.
Па адной з версій, не спрацавала сістэма бяспекі працы вежавага крана.