U Vilejskim vadaschoviščy złavili 15-kiłahramovaha ščupaka FOTAFAKT
Uładzimir Ždaniuk z Maładziečna vyciahnuŭ z łunki zaledzianiełaha vadaschovišča hihanckaha ščupaka. Trafiej viesić 14,790 hramaŭ, a jaho daŭžynia — bolš za mietr.
01.02.2022 / 10:58
Jak piša Mlyn.by, Uładzimir raspavioŭ, što samy vialiki ščupak u jaho raniej byŭ 2 kiło, a 15-kiłahramovaha bačyŭ tolki ŭ internecie.
Uładzimir — zaŭziaty rybak i dałučyŭ da hetaj spravy 14-hadovaha syna Kiryła. Maładziečancy pajechali na Vilejskaje vadaschovišča, rybačyli ŭ rajonie vioski Kasuta, pastavili 10 stavak.
— Z 10 stavak spracavała adna. Miarkujučy pa tym, što ryba razmatała ŭsiu katušku, zrazumieli: niešta vialikaje. Kiłahramy čatyry dakładna budzie. A tut amal 15! — raspaviadaje rybak.
Vyciahvać vielizarnuju rybu z łunki dapamahaŭ siabar siamji Leanid. Ščupak važyć amal 15 kiłahramaŭ.
Rybu da bieraha Uładzimir ciahnuŭ na viaroŭcy. Maładziečaniec raspavioŭ, što ŭ drapiežnicy adnoj tolki ikry było kala 3 kiłahramaŭ. Z hałavy maładziečaniec zrabiŭ pudziła, a ź miasa — farš.