Памерла шасцігадовая дзяўчынка, што моцна пацярпела на пажары ў Мінску тры тыдні таму
Дзяўчынка памерла ноччу 1 лютага ў бальніцы. Яна атруцілася прадуктамі гарэння, у яе быў стан клінічнай смерці, паведамляе БелТА.
02.02.2022 / 08:52
Фота: СК
Няшчасце здарылася 11 студзеня на вуліцы Тургенева, там загарэўся шматкватэрны дом у жыллёвым комплексе «Аркадыя».
Падчас тушэння пажару ратавальнікі ў пакоі знайшлі 6-гадовую дзяўчынку без прытомнасці.
Яе рэанімавалі проста на вуліцы.
Следчы камітэт выказваў версію, што прычынай пажару магла стаць зарадная прылада для мабільнага тэлефона. Дзяўчынка ў той час была дома адна.