Nacbank raskazaŭ pra toje, što tarmozić rost ekanomiki, a što — razhaniaje

Drajvieram vystupaŭ źniešni popyt na ajčynnyja tavary za miažoj, a tormazam — sankcyi i niavyznačanaść. Pry hetym rost koštaŭ na tavary i pasłuhi razhaniajuć u asnoŭnym inflacyjnyja čakańni, vynikaje z danych rehulatara. Praściej kažučy, ceny rastuć jašče bolš z-za čakańnia ich pavyšeńnia. Hetamu spryjaiuć sami čynoŭniki. Da prykładu, kali pieranosiać zapłanavanaje pavyšeńnie cen i taryfaŭ, kab «padkrucić» inflacyju, piša Zerkalo.io.

02.02.2022 / 09:24

Što tarmozić ekanomiku, a što — paskaraje

U kastryčniku-śniežni minułaha hoda rost VUP skłaŭ u hadavym vyražeńni 1% da anałahičnaha pieryjadu 2020-ha. Dla paraŭnańnia: u lipieni-vieraśni ekanomika dadała na 1,3% da takoha ž pieryjadu 2020 hoda.

U Nacbanku bačać adzin asnoŭny faktar, jaki padtrymlivaje rost VUP — źniešni popyt na ajčynnyja tavary. Strymlivajuć raźvićcio prykmietna bolš faktaraŭ.

«Zachavańnie pavyšanaj niavyznačanaści, ryzyk, a taksama sankcyjny cisk z boku zachodnich krain abumovili ŭ spravazdačnym kvartale słabuju inviestycyjnuju i spažyvieckuju aktyŭnaść, što abmiažoŭvała rost VUP», — udakładniaje rehulatar.

Rvanuli ceny na biełaruskuju harodninu. Što razhaniaje inflacyju

Nacbank źviartaje ŭvahu na razahnany rost cen na tavary i pasłuhi. Adna z pryčyn — pavyšanyja prainflacyjnyja čakańni.

«U čacviortym kvartale 2021-ha zachoŭvaŭsia prainflacyjny ŭpłyŭ na ŭnutrany spažyviecki rynak jak z boku cenaŭ impartu, tak i z boku cenaŭ ajčynnych vytvorcaŭ», — udakładniaje rehulatar.

Pa danych Nacbanka, dynamika cen biełaruskich vytvorcaŭ sielskahaspadarčaj pradukcyi ŭ čacviortym kvartale taksama zachoŭvała dosyć vysokuju intensiŭnaść.

«U raślinavodstvie značnaje padaražeńnie nazirałasia ŭ hrupie śviežych harodniny (burak stałovy, kapusta, cybula, morkva), što adbiłasia i na dynamicy spažyvieckich cen nazvanych pazicyj, — adznačaje rehulatar. — U žyviołahadoŭli vysokija tempy padaražeńnia byli charakternyja ŭ asnoŭnym dla miasnoj pradukcyi — ptuški žyvoj, śviniej žyvych, bujnoj rahataj žyvioły miasnych parod».

U Nacbanku ličać, što dynamika cen vytvorcaŭ akazvaje cisk na ceny adpaviednych pazicyj spažyvieckaha rynku. «Na fonie ciažkaściaŭ u łahistycy i pierabojaŭ u pastaŭkach paskoryŭsia i rost cen vytvorcaŭ pramysłovaj pradukcyi. Bolš vysokija hadavyja tempy rostu byli charakternyja dla pradukcyi jak spažyvieckaha, tak i vytvorča-techničnaha pryznačeńnia», — adznačaje rehulatar.