Экс-падпалкоўніку з Іўя далі шэсць гадоў калоніі
Экс-міліцыянеру Пятру Буцько прысудзілі шэсць гадоў калоніі і штраф у памеры 500 базавых. Яго прызналі вінаватым у перавышэнні ўлады на грамадзянскай працы.
10.02.2022 / 10:39
Пракурор патрабаваў для Буцько пяць гадоў калоніі.
У маі той нанёс свайму супрацоўніку «не менш дванаццаці ўдараў у вобласць галавы» кулакамі. Пацярпелы казаў у судзе, што ў яго «няма прэтэнзій» да Буцько.
У 2020 годзе Буцько звольніўся са службы і выступіў супраць гвалту. У жніўні 2020 года ён адсядзеў 32 дні за ўдзел у акцыях пратэсту. Ён распавядаў, што тады супраць яго «спрабавалі сфабрыкаваць крымінальную справу», але гэтага не адбылося бо «засталіся яшчэ ў міліцыі сумленныя людзі, якія не пагадзіліся даваць на яго хлуслівыя паказанні».
У маі 2021-га Лукашэнка пазбавіў яго звання падпалкоўніка міліцыі запасу.
У снежні 2021 года ён быў затрыманы па крымінальнай справе.