WebMoney bolš nie pracuje z rasijskimi rublami
Ź siońniašniaha dnia ŭsie apieracyi pa kašalkach apłatnaj sistemy WebMoney ŭ rasijskich rublach stanoviacca niedastupnyja, paviedamlajecca na sajcie sistemy.
11.02.2022 / 18:21
Heta adbyłosia z-za taho, što rasijski Centrabank adklikaŭ licenziju ŭ Kansiervatyŭnaha kamiercyjnaha banka (KKB), jaki vystupaje raźlikovym bankam sistemy. Centrabank, u svaju čarhu, zajaviŭ, što bank «KKB» parušaŭ zakanadaŭstva ŭ halinie supraćdziejańnia admyvańniu hrošaj i finansavańnia teraryzmu.
U WebMoney zajavili, što źmieščanyja ŭ kašalkach srodki zamarožvajucca i paźniej buduć viernutyja ŭładalnikam. Jak budzie adbyvacca viartańnie srodkaŭ, kampanija abiacaje paviedamić dadatkova.