У верасні Мінск наведае Крышна
11.08.2009 / 13:13
У верасні Беларусь наведае міністр замежных спраў Індыі Шры С.М. Крышна.
Як паведаміў пасол Індыі ў Беларусі Рамеш Чандра 11 жніўня на прэс‑канферэнцыі ў Мінску, плануецца сустрэча Крышны з прэзідэнтам Аляксандрам Лукашэнкам, міністрам замежных спраў Сяргеем Мартынавым і іншымі беларускімі чыноўнікамі.
«У ходзе візіту будуць абмяркоўвацца пытанні далейшага развіцця супрацоўніцтва паміж Індыяй і Беларуссю, — сказаў пасол. — Існуе магчымасць падпісання шэрагу дакументаў, у тым ліку пагаднення аб супрацоўніцтве ў сферы спорту і дагавора аб індыйскім навучальным цэнтры на базе парка высокіх тэхналогій».